Grindavíkurdeild sinnir neyðarvörnum samkvæmt samningi Rauða kross Íslands við Almannavarnir ríkisins. Þegar þess gerist þörf opna sjálfboðaliðar neyðarvarna fjöldahjálparstöð í grunnskólum Grindavíkur og sinna þar ýmsum störfum og aðhlynningu. Deildin hefur á að skipa 14 fjöldahjálparstjórum og einstaklingum sem eru tilbúnir að bregðast við þegar á þarf að halda. Neyðarvarnanefnd hefur umsjón með skipulagi neyðarvarna á vegum deildarinnar.

Neyðarvarnaáætlunin er uppfærð árlega en þar eru skráðir fjöldahjálparstjórar, starfsfólk skóla og heilsugæslu, fjöldi túlka auk liðsauka og aðila sem hafa með aðföng í bæjarfélaginu að gera.

Vegna neyðarvarna hefur Grindavíkurdeild komið sér upp lager af teppum, koddum og dýnum auk þess sem fjárfest var í þremur tetra-talstöðvum og flíspeysum merktum Rauða krossinum fyrir sjálfboðaliða deildarinnar.

Ef til neyðarástands kemur vegna náttúruhamfara, slysa eða af öðrum ástæðum eru sjálfboðaliðar á vegum Grindavíkurdeildar tilbúnir til aðstoðar.

Fjöldahjálparstöð er staðsett í grunnskóla Grindavíkur að Ásabraut 2 og Suðurhópi 2.

Fulltúrar neyðarvarnarnefndar:
Magnús Már Jakobsson, formaður, fjöldahjálparstjóri og skyndihjálparleiðbeinandi – 6608809 - magnusmar@bluelagoon.is
Brynja Guðmundsdóttir, fjöldahjálparstjóri – 8979035 - brynjag69@googlemail.com
Guðrún Kristín Einarsdóttir – 8409350 - tigra6@visir.is
Gunnar R. Jónsson – 8206412 -  grjonsson@simnet.is
Hjördís Rósa Halldórsdóttir, fjöldahjálparstjóri og skyndihjálparleiðbeinandi – 6617041 – rosy@internet.is